Allsherjanefnd

Hvaða bull er þetta? Málið er mjög einfalt, Bjarni og fleiri sem ekkert þykjast vita eru einfaldlega að segja ósatt. Þessar ásakanir Sigurjóns væru alvarlegar ef þær væru ekki réttar en það sjá það allir að þetta er bara bölvaður lygi og allir vissu af tenglum þessarar erlendu konu við utanríkisráðherra, Valgerði Sverrisdóttur.

Þó svo að Björn nefni Bjarna Benediktsson sérstaklega og ásakanir Sigurjóns á hann er ljóst að hann er hér með mislukkaða tilraun til þess að klóra í bakkan fyrir hönd flokksfélaga síns Valgerði Sverrisdóttur í þessari færslu en tekst engan veginn vel til frekar en í öðru. Framsókn er í ömurlegri stöðu og má því ekki við skammarlegum hlutum líkt og þessum.

Wenger ánægður - Gott!

Ég skil þetta ekki. Samt skil ég þetta. Okey, Lehamann frábær markvörður og allt það, búinn að standa sig mjög vel síðustu fjögur tímabil með Arsenal en ég held að hann sé alveg búinn að sýna það í ár eftir að hafa átt frábært HM að hann er kominn til ára sinni. Sem Liverpool maður þá er ég bara djöfull sáttur við að hann verði þarna áfram en ekki að Wengar hafi tekið þá ákvörðun að kaupa Buffon eða slíkan fagmann. Nógur er peningurinn hjá Arsenal.

Wenger ánægður að halda Lehmann

United - Milan

Fyrir nokkrum mínútum var að ljúka leik Man. Utd. og AC Milan. Seinni hálfleikurinn var fáránlega góður, en ég missti því miður af þeim fyrri þar sem þrjú mörk voru skoruð. Leikurinn endaði 3-2 fyrir United og af því sem ég sá þá áttu þeir þennan sigur alveg fullkomnlega skilið. Ég verð þó að setja spurningarmerki við Dida, ég bara trúi ekki að það sé ekki hægt að finna betri mann í stað hans fyrir næsta tímabil. Dida er vissulega mjög góður en hann var betri og er farinn að gera of mikið af mistökum fyrir svona stórt lið. Að mínu mati átti hann að verja seinasta markið því hann var einfaldlega alveg hrikalega staðsettur. Heyrði líka að hann hafi verið vafasamur í því fyrsta og átti því tvö mörk í þessum leik sem er hreinlega alltof mikið. Rooney, C. Ronaldo og Káka sönnuðu það að þeir eru þrír af fimm bestu leikmönnum í heiminum í dag, hinir eru Gerrard og Ronaldinho.

Annar góður leikur á morgun - Chelsea - Liverpool. Öruggt hjá mínum mönnum í Liverpool.

Draumaúrslitaleikur hjá mér er Liverpool - United.

You'll never walk alone...

 

 

Árni siðlaus?

Mér finnst kaldhæðnislegt til þess að vita að okkar fjármálaráðherra hafi tekið þátt í þessum "glæp". Það var nú þannig að stofnafjáreigendurnir hafa alltaf verið valdir og þeim hreinlega gefin hlutbréfin í bankanum sem þýðir að almenningur hefur ekki möguleika að kaupa þessi bréf á opinberum markaði. Þessi bréf voru aldrei hugsuð til þess að þeir sem bréfin fengu gátu selt þau þegar þeim hentaði og gengið út úr bankanum með tugi milljóna á milli handanna.

Því finnst mér mjög undarlegt að einn þessara manna er Árni Mathiesen, fjármálaráðherra okkar Íslendinga. Hann getur setið í embætti eins og ekkert hafi í skorist. Mér finnst það sýna hversu siðlausir og huglausir sjálfstæðismenn eru í raun og veru. Til að mynda hafa aðrir menn sagt af sér fyrir mun minni sakir en þessa, t.d. Guðmundur Árni Stefánsson. Fyrir vikið er Guðmundur mikið meiri maður en Árni fyrir mér.

Máli vegna Sparisjóðs Hafnarfjarðar vísað frá

Bandaríkjamenn verða seint sakaðir um að vera gáfaðir

Ég ætla ekki að segja neitt meira og bendi á þetta mér til stuðnings.

Félagsfræðikennarar í vandræðum með íslenskar kennslubækur

Ég hef þá tilfinningu sem námsmaður að margir kennarar í framhaldsskólum sem kenna félagsfræðigreinar séu komnir í mikil vandræði með að finna námsefni sem henti áföngum í Félagsfræði, Stjórnmálafræði og Mannfræði. Einn ágætis kennari við Flensborg hafði orð á því að fyrir hann væri orðið gífurlega erfitt að finna kennslubækur fyrir Stjórnmálafræði og hann hefði aðeins um 2-3 bækur (sem allar væru komnar til ára sinna) á íslensku um að velja, en ef hann myndi velja bækur sem væru á ensku þá hefði hann um tugi bóka að velja.

Mig langar að spyrja og vonandi að fá svör, hvers vegna ekki sé hægt að fá almenninlegar kennslubækur fyrir þessi fög á íslensku? Er ekki nægum pening varið í að gera bækur á íslensku?

Ástæðan fyrir því að ég hef áhyggjur af þessu er sú að ég er frekar slakur enskumælandi maður og líka, ég er Íslendingur og vil geta lesið bækur í skóla sem ég borga til að vera í á íslensku.

Klapp klapp fyrir Frjálslyndum

Mikið er ég glaður þegar heyri að flokkurinn minn, Frjálslyndir vilja gera vel fyrir lágtekjufólk í landinu. Samt sem áður tel ég að flokkarnir verða að passa sig og lofa ekki fram úr ermum sínum þannig að væntingarnar verði miklar og vonbrigðin því gífurleg þegar í ljós kemur að engan veginn sé hægt að standa undir því sem lofað hefur verið. Ég vona svo sannarlega að forsvarsmenn Frjálslyndaflokksins séu búnir að reikna þetta fram í fingurgóma og þessar breytingar sem til eru lagðar séu viðráðanlegar. Ég treysti þeim.

Einnig fagna ég hvernig flokkurinn hyggst taka á málum öryrkja og ellilífeyrisþega. Það er málaflokkur sem alltof lengi hefur verið settur til hliðar og því kominn tíma að dusta af honum rykið og gera eitthvað róttækt.

Því segi ég: Klapp klapp fyrir Frjálslyndum. 

 

Frjálslyndir vilja 150 þúsund króna skattleysismörk fyrir lágtekjurfólk

Stjórnarmenn Alcan deyja ekki ráðalausir

Ég held að nú sé það að gerast það sem allir voru hræddir um, álverið í straumsvík mun stækka þrátt fyrir að það verði ekki endilega á þeim stað þar sem það er nú. Wolfgang Stiller stjórnarformaður Alcan á Íslandi fundaði ásamt Rannveigu Rist forstjóra Alcan, Jóni Sigurðssyni Iðnaðarráðherra og ráðamönnum Landsvirkjunar um stöðu mála eftir álverskosninguna í Hafnarfirði. Þrátt fyrir að þau hafi ekki viljað gefa upp hvað um var rætt á fundinum held ég að það sé alveg ljóst að umræðuefni fundarins hafi verið að fá að byggja nýtt álver á Keilisnesi á Vatnleysuströnd.

Samfylkingarmenn í Hafnarfirði hljóta að skjálfa á beinunum yfir þessu, því ef af þessu verður er ljóst að engan tekjur muni renna til bæjarsjóðs Hafnarfjarðar þar sem landið er ekki í eigu bæjarins. Semsagt, það fer allt til Hafnarfjarðar nema tekjurnar.

Ég tel það alveg ljóst að bæjarfulltrúar Samfylkingarinnar hafi átt að hafa það bein í nefinu að koma með sína eigin afstöðu í staðinn fyrir að snúa útúr og fagna því að íbúalýðræði ríki í Hafnarfirði, til þess voru þeir kosnir. Mín skoðun á þessu máli er sú að Samfylkingin í Hafnarfirði hafi átt að setjast niður með forráðamönnum álversins og kreista útúr þeim pening. Við verðum að átta okkur á því að nokkur hundruð milljónir er algjör smápeningur fyrir þetta fyrirtæki. Innst inni held ég samt að þeir Samfylkingarmenn hafi alltaf vonað og vitað að þetta yrði stækkað og hafi í raun haldið að það myndi gerast í Hafnarfirði en ekki á Keilisnesi. Fyndið en leiðinlegt ef af verður. Persónulega vil ég álverið burt og leyfa annarri atvinnustarfsemi að taka þeirra pláss. Frekar hefði ég þó valið að hafa það ennþá hér bænum í staðinn fyrir að fá það á Keilisnesið því ég tel þá staðsetningu engu breyta vegna þess að eins og ég hef áður sagt þá mun allt koma til bæjarsins ef við erum að tala um mengun og annað nema þær tekjur sem hafa komið í bæjarsjóðinn á síðustu áratugum.

Með þessu er alveg ljóst að ef Samfylkingin kemst til valda í ríkisstjórn verður aldrei tekin ákvörðun til stórra og umdeildra mála, þeir eru einfaldlega of hræddir og litlir í sér til þess.